Shamrock Rovers dhe Ballkani do të përballen të enjten në orën 21:00 në ndeshjen e kthimit të raundit të tretë kualifikues të Ligës së Konferencës.
Pas fitores 1:0 në Prishtinë, suharekasit do të kërkojnë të mbrojnë epërsinë për të siguruar kalimin në fazën tjetër të garës, përcjellë “Kërlaçki”.
Ndeshja do të transmetohet drejtpërdrejt në Televizionin Publik të Kosovës – RTK, duke u mundësuar tifozëve të ndjekin live sfidën e rëndësishme.
Lajmi është konfirmuar nga vetë televizioni publik dhe nga klubi i Ballkanit, i cili ka bërë thirrje për mbështetje të madhe morale nga publiku kosovar.
Ballkani synon të bëhet sërish pjesë e fazës së grupeve të Ligës së Konferencës.
Një rezultat pozitiv në Dublin do të ishte një tjetër sukses për futbollin kosovar dhe një hap më tej në afirmimin e klubit në skenën evropiane.
