Shorti për fazën “play-off” të Ligës së Konferencës u hodh sot në Nyon. Në këtë short, Drita ka mësuar edhe kundërshtarin e mundshëm nëse nuk e kalon Steauën e Bukureshtit (FCSB).
Në rast të eliminimit nga skuadra rumune, Drita do të përballet me fituesin e ndeshjes mes Differdange 03 nga Luksemburgu dhe Levadia nga Estonia, përcjellë “Kërlaçki”.
Ky është rival i mundshëm për ekipin nga Gjilani.
Ndeshja e parë e fazës “play-off” do të zhvillohet më 21 gusht, ndërsa takimi i kthimit është planifikuar më 28 gusht.
Të dy ndeshjet do të jenë vendimtare për kalimin në fazën e grupeve.
Kjo fazë është shumë e rëndësishme për Dritën, e cila kërkon të vazhdojë aventurën evropiane.
Ndeshja e parë mes Steauas së Bukureshtit dhe Dritës zhvillohet të enjten në Rumani.
