Paris Saint-Germain dhe Bournemouth kanë arritur një marrëveshje paraprake për transferimin e mbrojtësit qendror ukrainas, Illia Zabarnyi.
Sipas BBC-së, klubet kanë rënë dakord për një tarifë bazë prej 52 milionë funte (rreth 60 milionë euro), ndërsa zyrtarizimi i marrëveshjes pritet të ndodhë së shpejti.
Aktualisht, dy klubet janë ende në bisedime për detajet e tjera të marrëveshjes.
Bournemouth po insiston që me përfshirjen e bonuseve të ndryshme, vlera totale të arrijë në 70 milionë euro.
Zabarnyi iu bashkua Bournemouthit në janar të vitit 2023 për 22.7 milionë euro.
Në sezonin e fundit, ai realizoi një asistim në 39 paraqitje.
