Kristian Asllani ka refuzuar ofertën për t’u transferuar te Real Betis, një vendim që ka krijuar komplikime në afatin kalimtar të Interit, që ka planifikuar shfrytëzimin e mjeteve financiare të shitjes eventuale të mesfushorit shqiptar.
Klubi italian po përpiqet të transferojë sulmuesin Ademola Lookman nga Atalanta, e cila ka refuzuar një ofertë prej 40 milionë eurosh nga Interi.
Asllani preferon të qëndrojë në Itali dhe ka refuzuar ofertën nga Spanja.
Ai ishte blerë nga Empoli për 14 milionë euro në vitin 2022, por nuk ka arritur të përmbushë pritshmëritë që u vendosën për të.
Ky zhvillim ka ndikuar drejtpërdrejt në lëvizjet e Interit në merkato, duke krijuar një situatë të ndërlikuar për klubin në përpjekjet e tij për të forcuar sulmin para mbylljes së afatit kalimtar.
