Divock Origi është shumë pranë largimit përfundimtar nga Milan, pas një periudhe të errët jashtë planeve të ekipit të parë. Sulmuesi belg, që iu bashkua klubit italian në verën e vitit 2022, nuk arriti të tregojë veten dhe përfundoi sezonin e fundit me ekipin rezervë.
Sipas raportimeve të “Gazzetta dello Sport”, përcjellë Kërlaçki, Milani dhe lojtari kanë arritur një marrëveshje për prishjen e kontratës, me Origin që do të përfitojë një pjesë të pagës si kompensim (rreth 2 milionë euro nga paga e mbetur prej 4.5 milionë eurosh në vit).
Origi zhvilloi 36 ndeshje zyrtare me Milanin në total, duke shënuar vetëm 2 gola dhe duke dhënë 1 asist. Gjatë sezonit të fundit 2023–24, i huazuar te Nottingham Forest, ai luajti 22 ndeshje në të gjitha kompeticionet, por shënoi vetëm 1 gol (në FA Cup) dhe nuk regjistroi asnjë asist.
Performanca e dobët dhe qëndrimi jashtë grupit e shtynë klubin t’i kërkonte aktivizim me ekipin e të rinjve “Milan Futuro”, çka përshkallëzoi situatën dhe çoi drejt një ndarje të parakohshme.
Zyrtarizimi i ndërprerjes së kontratës pritet të ndodhë brenda pak ditësh.
