Kampionati Evropian i Basketbollit Eurobasket 2025, që do të mbahet këtë verë, parashikohet të jetë një ndër më cilësorët në histori – falë pranisë të një sërë yjesh të vërtetë nga NBA.
10 key players to watch in EuroBasket 2025 🌟
🇷🇸 Nikola Jokic
🇬🇷 Giannis Antetokounmpo
🇸🇮 Luka Doncic
🇹🇷 Alperen Sengun
🇮🇱 Deni Avdija
🇩🇪 Franz Wagner
🇫🇮 Lauri Markkanen
🇱🇻 Kristaps Porzingis
🇷🇸 Bogdan Bogdanovic
🇩🇪 Dennis Schroder pic.twitter.com/jbdWl6I6Nq— BasketNews (@BasketNews_com) August 3, 2025
Greqia do të udhëhiqet nga Janis Adetokumbo, dy herë MVP i NBA-së dhe një nga basketbollistët më dominues të kohëve të sotme, ndërsa Sllovenia do të mund të llogarisë sërish në superyllin Luka Donqiç. Në krye të kësaj liste elitare ndodhet edhe Nikola Jokiç, lojtari më i vlefshëm i NBA-së për tre sezone dhe ylli i Denver Nuggets, i cili së bashku me Bogdan Bogdanoviçin.
Në radhët e Turqisë, figura kryesore do të jetë Alperen Shengun, qendra e re që pati një sezon të jashtëzakonshëm në NBA, ndërsa Izraeli mbështetet te Deni Avdija, i cili sezonin e kaluar tregoi përparim të madh dhe potencial për të qenë lideri i skuadrës.
Gjermania vjen me ambicie kampionësh, e drejtuar nga dyshja e NBA-së – Franz Wagner dhe Dennis Schroder, ndërsa Finlanda përfaqësohet nga fuqiploti Lauri Markkanen i Utah Jazz.
Letonia, që la mbresa në Kampionatin Botëror të fundit, tani përforcohet më tej me rikthimin e Kristaps Porzingis, i cili ka tejkaluar problemet shëndetësore është dhe gati për të shkëlqyer me fanellën e përfaqësueses së tij.
Eurobasket 2025 pritet të jetë një arenë ku do të përplasen jo vetëm kombëtaret, por edhe yjet e NBA-së – një turne që çdo adhurues basketbolli nuk duhet ta humbasë.
