Nënkampioni i Kosovës në basketboll, Bashkimi, mësoi të mërkurën kundërshtarin në kualifikimet e FIBA Europe Cup.
Klubi prizrenas do të përballet me skuadrën e fuqishme polake, Anwil Wloclawek.
Pas dy ndeshjeve, ekipi më i suksesshëm do të kualifikohet në fazën grupore.
Ndeshja e parë zhvillohet më 24 shtator në Prizren, ndërsa ndeshja e kthimit më 1 tetor në Wloclawek, Poloni.
Anwil është një nga skuadrat më të mëdha polake, me përvojë të gjatë në garat evropiane.
