Drita ishte në epërsi 2-0, por në fund pësoi tri herë dhe u mposht 3-2 në ndeshjen e parë të fazës së tretë eliminatore të Europa League.
Pas takimit, sulmuesi i FCSB-së, Daniel Birligea, foli hapur për momentin e vështirë që po kalon ekipi, madje duke shpërthyer në lotë.
“Kishte shumë emocione. Gjëja më e rëndësishme është që fituam, pavarësisht mënyrës. Na duhej patjetër kjo fitore për të na ngritur moralin, sepse në javët e fundit kishim përshtypjen se harruam të luanim futboll,” tha ai.
Bîrligea pranoi se në pjesën e parë skuadra ishte e bllokuar mendërisht, ndërsa në të dytën tregoi më shumë agresivitet.
“Duhet të vazhdojmë kështu, të luftojmë si ekip dhe të mos jetojmë me arritjet e vitit të kaluar. Është një vit i ri dhe duhet të provojmë përsëri vlerën tonë”, deklaroi ai.
Sulmuesi theksoi se fitorja nuk i zgjidh të gjitha problemet, por mund të japë shtysën e nevojshme.
“Duhet të tregojmë përkushtim e vendosmëri në çdo ndeshje. U munduam të rilidhemi si grup dhe shpresoj që kjo të japë rezultat”, nëvizoi sulumuesi.
Nëse kalojnë më tej në Europa League, Drita do të përballet me Aberdeen, ndërsa në rast eliminimi nga Drita do të zbresë në play-off-et e Ligës së Konferencës.
