Skuadra e Llapit do të mbetet pa njërin prej lojtarëve kryesorë të saj. Bëhet fjalë për Elvir Gashjanin, i cili duket se i ka orët e numëruara te skuadra nga Podujeva.
Trajneri Tahir Batatina, ka deklaruar për KosovaPress se ylli 18-vjeçar, Elvir Gashjani, është shumë pranë një lëvizjeje të madhe në karrierën e tij.
Sipas trajnerit llapjan, ai ka tri oferta konkrete nga Turqia dhe vendimi për të ardhmen e futbollistit është shumë afër.
Llapi pret që të arkëtojë rreth 400 mijë euro nga shitja e Gashjanit.
Batatina ka theksuar se prioriteti i tij nuk është fitimi financiar për klubin, por zhvillimi i lojtarit dhe garancia që ai do të merr minuta të mjaftueshme në fushë.
Gjatë viteve të fundit, bardhekaltërit kanë qenë mes skuadrave që kanë krijuar më shumë hapësira për futbollistët e rinj.
