Dinamo City do të përballen me Hajduku Splitin të enjten në orën 20:45 në stadiumin “Air Albania” në Tiranë, në ndeshjen e dytë të raundit të tretë kualifikues për Ligën e Konferencës.
Ndeshja e parë u mbyll 2-1 në “Poljud”, ndërsa skuadra kroate ende shihet si favorite edhe në këtë përballje vendimtare.
Para ndeshjes, trajneri i Hajdukut, Gonzalo Garcia, dhe mesfushori shqiptar Adrion Pajaziti dolën para mediave. Për Pajazitin, ky duel ka një rëndësi të veçantë.
“Kjo është një ndjenjë e veçantë për mua. Po luaj në shtëpi. Familja ime do të jetë këtu. Jam shumë i emocionuar. Personalisht, luajta mirë në ndeshjen e fundit, por ka gjëra që dua t’i përmirësoj. Do të luajmë në një stadium të shkëlqyer. Tifozët janë të mrekullueshëm. Ne shqiptarët jemi një popull patriotik. Isha krenar kur luaja këtu,” tha Pajaziti.
Mesfushori shtoi se skuadra është e fokusuar tek loja e saj dhe e gatshme për çdo skenar.
“Kushdo që të luajmë, ne përpiqemi të imponojmë ritmin tonë. E analizojmë veten dhe përpiqemi të përmirësohemi. Jemi gati për penallti nëse ndodhin, por shpresoj që të mos shkojë deri aty. Nëse ka nevojë për të gjuajtur, do të ofrohem vullnetar.”
