PSG s’ka të ndalur, eliminon edhe Bayernin

PSG ka eliminuar Bayernin me rezultatin 2-0 në çerekfinalet e Kupës Botërore të Klubeve, duke siguruar kalimin në gjysmëfinale.

Në një ndeshje me intensitet të lartë, golat u shënuan nga Desiré Doué në minutën e 78-të dhe Ousmane Dembélé në minutën e 96-të.

Pavarësisht se PSG mbeti me dy lojtarë më pak pas kartonëve të kuq të Willian Pacho dhe Lucas Hernández, ata arritën të mbrojnë rezultatin dhe të kalojnë më tej.

Ndeshja u shënua gjithashtu nga një lëndim i rëndë i Jamal Musiala, i cili dyshohet të ketë pësuar një frakturë të këmbës pas një përplasjeje me portierin e PSG-së, Gianluigi Donnarumma. Ky incident la lojtarët dhe tifozët të tronditur.

Në gjysmëfinale, PSG do të përballet me fituesin e ndeshjes mes Real Madrid dhe Borussia Dortmund.