Skuadra polake Widzew Lodz ka barazuar 1–1 ndaj Wisla Płock në ndeshjen e zhvilluar sot në kuadër të Ekstraklasës. Për ekipin e Lodzit dy protagonistët kryesor në ndeshje ishin tre futbollistët shqiptar, Julian Shehu, Dion Gallapeni dhe Lindon Selahi.
Mysafirët kaluan në avantazh në minutën e 36-të me golin e Lukasz Sekulski, por vetëm pesë minuta më vonë erdhi reagimi i vendasve. Juljan Shehu, reprezentuesi shqiptar shënoi golin e barazimit në minutën e 41-të, duke finalizuar një aksion të mirëorganizuar. Është ky goli i 2-të i mesfushorit ofensiv shqiptar përkundër edhe një asistimi në 4 ndeshjet e para të kampionatit polak.
⚽️🇦🇱 Juljan Shehu shenon ndaj Wisla Plock – 2 gola e 1 asistim në tre paraqitjet e fundit me Widzew Lodz pic.twitter.com/GSVciSdZq4
— AlbanianScout (@albanianscout) August 9, 2025
Ndërsa Dion Gallapeni zhvilloi një paraqitje të plotë, duke luajtur të gjitha 90 minutat dhe kontribuar në stabilitetin e skuadrës. Është kjo paraqitja e dytë e Gallapenit pas ndeshjes së parë si zëvendësues para një jave kundër Katovices. Ndërsa, Lindon Selahi po ashtu zhvilloi 90 minuta, duke u zëvendësuar në minutën e parë shtesë.
Takimi u luajt në “Miejski”, ku të dyja skuadrat prodhuan raste, por nuk arritën të gjejnë golin e fitores. Pas këtij barazimi, Widzew mban vendin e pestë në renditje, ndërsa Wisla Plock kryeson kampionatin me tre fitore dhe një barazim në katër javët e para.
