Një përballje interesante mes futbollistëve shqiptarë u zhvillua në elitën e futbollit suedez, ku Elfsborgu, skuadër ku luajnë Besfort dhe Arbër Zeneli, arriti të mposhtë Hackenin e portierit Etrit Berisha me rezultat 2-1.
Ndeshja e vlefshme për javën e 18-të të kampionatit solli emocione sidomos në pjesën e dytë, kur Zeneli u inkuadrua në lojë në minutën e 59-të.
Ai u bë protagonist kryesor i takimit duke realizuar një gol të bukur në minutën e 87-të, i cili rezultoi vendimtar për fitoren e skuadrës së tij.
Pas këtij triumfi, Elfsborgu ngjitet në vendin e tretë në tabelë me 35 pikë, ndërsa Hackeni mbetet në pozitën e 10-të me 22 pikë.
Kjo fitore përforcon ambiciet e Elfsborgut për pjesëmarrje në garat evropiane.
🇽🇰🇸🇪 Arber ’’R2’’ Zeneli still got it 🚀
Beautiful goal on Etrit Berishas BK Häcken!
— Kosovar Talents (@Kosovartalents) August 3, 2025
